Роберт Уиттакер "UFC 275"-д оролцох боломжгүй боллоо

Холимог тулааны UFC холбооны дунд жингийн шилдгүүд болоx Роберт Уиттакер, Марвин Веттори нарын тулаан ирэх 6 дугаар сард болоxоор товлогдоод байсан. Гэсэн ч тулаанд Роберт Уиттакер оролцох боломжгүй болжээ.
Роберт Уиттакер "UFC 275"-д оролцох боломжгүй боллоо

"UFC 275" тоот тэмцээн ирэх 6 дугаар сарын 11-нд Сингапур улсын Калланг хотод болно. Тус тэмцээний хамгийн онцлох тулаануудын нэгт зүй ёсоор тооцогдож байсан Роберт Уиттакер, Марвин Веттори нарын тулаан цуцлагдлаа. Учир нь дунд жингийн аварга асан Роберт Уиттакер бэлтгэлийнxээ үеэр бэртэл авснаар тулаанд оролцох боломжгүй болжээ. Тэрээр энэ тухайгаа өөрийн цахим хуудсаараа дамжуулан мэдэгдсэн бөгөөд бэртлийн талаар тодорхой мэдээллийг өгөөгүй байна. UFC-ийн дунд жингийн чансааг тэргүүлж байгаа түүний хувьд мэргэжлийн замналдаа нийт 29 тулаан хийж, 23 ялж, 6 ялагдсан амжилттай байгаа юм. Тэрээр өнгөрсөн 2 дугаар сард зохиогдсон "UFC 271" тоот тэмцээнээр дунд жингийн аваргын бүсний төлөө Исрайль Адесанятай тулалдсан ч шүүгчдийн шийдвэрээр ялагдал хүлээсэн билээ.

Дунд жингийн шилдгүүдийн тулаан ийнхүү цуцлагдсан ч "UFC 275" тэмцээнээр аваргын бүсний төлөө хоёр тулаан болоx юм. Тодруулбал, эмэгтэйчүүдийн хөнгөн жингийн аварга Валентина Шевченко аваргын бүсээ хамгаалж, Тайло Сантостой тулалдана. Харин оргил тулаан эрэгтэйчүүдийн хагас хүнд жингийн аварга Гловер Тейшейра болон Иржи Прохазка нарын хооронд болно.

Эх сурвалж: ESPN

Уулзвар

No stories found.

Гэрлэн дохио

No stories found.

Зогсоол

No stories found.
Press Center
www.presscenter.mn