Гари Вайнерчукын 25 зөвлөгөө

Беларусь гаралтай бизнесмен, зохиолч, илтгэгч, хөрөнгө оруулагч Гари Вайнерчук нь бизнес, амьдралын талаар хурц үгтэй бодит шүүмжлэлүүдийг хэлдгээрээ сошиал медиад тун алдартай нэгэн. Түүний нийт хөрөнгө нь 160 сая орчим ам.доллар ажээ.
Гари Вайнерчукын 25 зөвлөгөө
GARY VAYNERCHUK'S MEDIUM

#1: Хүмүүсийн юу гэж бодож байгаа талаар бүү санаа зов. Хөдөлмөрлөж байгаа үед нэг бол амжилтад хүрнэ эсвэл алдаанаасаа суралцана. Товчхондоо аль ч тохиолдолд чи ялна.

#2: Хэрвээ таны амбиц том бол багаас нь эхэлж аажим аажмаар ухаалгаар бүтээ.

#3: Өөрийнхөө давуу талд бооцоогоо тавь. Олон хүмүүс энэ дэлхий дээр өөрсдийн сул талаа засах гэж хэтэрхий их хичээдэг, харин түүний оронд өөрийн давуу талаа ашигла.

#4: Санааг хэрэгжүүлэхгүй бол үнэ цэнгүй, харин гүйцэтгэл нь санаагүйгээр утгагүй.

#5: Авч байгаагаасаа илүү ихийг өг.

#6: Өчигдрийг март. Түүнтэй битгий зууралд. Ойлгоод, суралцаад цааш яв. Өчигдрийн алдаа чинь маргаашийн бүтээмжид чинь сөргөөр нөлөөлж болохгүй.

#7: Бүх зүйлд таны бодож байгаагаас ч илүү урт хугацаа шаардагдана.

#8: Хэрвээ хичээхээр шийдсэн бол байгаа бүх зүйлээ дайчил. Харин өвдвөл зогс, зүгээр л зөнд нь орхи. Чиний бие чамд ямар нэгэн зүйл хэлэхийг хичээж байна гэсэн үг. Тиймээс биеэ сонс.

#9: Таны бодол болон та хоёрын аль нэгнийх нь зөв. Хэтэрхий удаан бодвол та хэзээ ч одоо байгаа газраасаа гарч чадахгүй. Шар айраг уун дэмий чалчиж гучин жилийг өнгөрүүлнэ гэдэг үнэхээр цагийн гарз шүү.

#10: Хүн бүр л бүтэлгүйтэж байгаа. Зүгээр л тэд чамаас илүү үүнийгээ нуудаг.

#11: Эрсдэл хийж шинэ зүйл туршиж үзэхийн хэрээр амьдрал тэлдэг.

#12: Үнэ цэнийг өг. Дараа нь бизнес хийх талаар асуу.

#13: Чи үнэхээр хийх үү, үгүй юу гэдэг сонголтоо хий. Шалтгаан тоочихоос залхахгүй байна уу? Яагаад шинэ зүйлийг туршаад үзэж болохгүй гэж. Өөдрөг бай, тэвчээр бай, тэгээд амаа хамхиад зүгээр л хийж эхэл.

#14: Хэн нэгэнд ямар нэг зүйлийг нотлохын тулд л хүмүүс маш хурдан амжилтад хүрэхийг хүсдэг. Гэхдээ энэ нь таныг эмзэг болгодог.

#15: Хамтрагчдаа маш их үнэ цэнийг бүтээж өг. Тэгвэл тэд тантай зайлшгүй бизнес хийх болно.

#16: Олсон орлогоо үргэлж бизнестээ буцаан хөрөнгө оруул.

#17: Шинийг санаачилж байгаа бол ихэнх хүмүүс чамайг буруугаар ойлгох болно.

#18: Өөртөө үнэнч бай.

#19: Бизнес гэдэг яг л хүний биетэй адилхан. Биед элсэн чихэр, кофейн хэрэгтэй. Эрүүл байлгахын тулд ус ууж, ногоо идэж, дасгал хөдөлгөөн сайн хий. Гэхдээ хүчил төрөгчгүйгээр чиний бие 5 минут ч тэсэхгүй.

#20: Зарах гэж хэтэрхий их анхаардаг нь гол алдаа. Брэнддээ илүү анхаар.

#21: Хамгийн сайн маркетингийн төлөвлөгөө бол санаа тавих.

#22: Таван жилийн төлөвлөгөө гэдэг бүтэшгүй зүйл. Дэлхий асар хурдтай өөрчлөгдөж байна шүү дээ. Жишээ нь таван жилийн өмнө ямар байсныг бодоод үз.

#23: Тэвчээртэй болсон үед чи даван туулж чадна.

#24: Надад тохирсон зүйл чамд тохирохгүй. Тийм учраас өөрийгөө танин мэдэх нь чухал. Өөртөө л үнэнч бай.

#25: Хэлэх амархан, хийх хэцүү.

Эх сурвалж: blog.mailtag.io

Уулзвар

No stories found.

Гэрлэн дохио

No stories found.

Зогсоол

No stories found.
logo
Press Center
www.presscenter.mn