Орос-Украины дайн сунжрах төлөвтэй

АНУ-ын Зэвсэгт Хүчний Жанжин Штабын дарга, генерал М.Милли орос-украины дайн олон жилээр үргэлжилж болзошгүй хэмээн мэдэгдсэн бол ОХУ-ын Ерөнхийлөгч В.Путин энхийн яриа хэлэлцээ мухардалд орсон гэв.
Орос-Украины дайн сунжрах төлөвтэй
© AP

Генерал М.Милли АНУ-ын Конгрессын Төлөөлөгчдийн болон Сенатын танхимын Зэвсэгт хүчний хороодод мэдээлэл хийх үеэрээ орос-украины дайны нөхцөл дараагийн шатанд шилжиж сунжрах төлөвтэй бөгөөд энэ нь хэдэн ч жил үргэлжилж мэднэ гэжээ.

Тэгвэл ОХУ-ын Ерөнхийлөгч В.Путин Беларусын Ерөнхийлөгч А.Лукашенкогийн хамт Восточный сансрын станцад сэтгүүлчдэд мэдээлэл хийхдээ яриа хэлэлцээний хувь заяа бүрхэг болж, мухардалд орсон гээд оросын цэргийн тусгай ажиллагаа төлөвлөгөөний дагуу цаашид ч үргэлжилнэ гэсэн юм.

Мөн тэрээр "Украинд цэргийн хүч хэрэглэхээс өөр ямар ч аргагүй байсан, бидэнд сонголт байгаагүй. Тиймээс зайлшгүй зүйлээс зугтах боломжгүй" хэмээжээ. Ажиглагчид сүүлийн үед ихээхэн анхаарал татаж буй Швед, Финланд улсууд НАТО-д гишүүнчлэх асуудлаар В.Путин огт ам нээгээгүйг онцлон тэмдэглэж байгаа юм. Энэ нь нөхцөл байдал нэгэнт Кремлийн хүслээр өрнөхөөс өнгөрсөн гэдэгтэй эвлэрсэн гэж үзэж болохоор байна.

Украины тал Буча дахь хядлагад Оросыг буруутгасны дараачаас яриа хэлэлцээний уур амьсгал хүйтэрсэн гэх бөгөөд Украины төлөөлөгч М.Подоляк хэлэлцээ хүндхэн байгааг хүлээн зөвшөөрчээ.

1816-1985 оны хооронд өрнөсөн томоохон 78 зэвсэгт мөргөлдөөний 18 нь хоёр сар хүрэхгүй, 29 нь 2-6 сар үргэлжилж байсан гэх статистик бий. Энэхүү жишгээр орос-украины дайн ойрын хугацаанд өндөрлөх таамгийг цэргийн шинжээчид тавьж байсан нь ийнхүү талаар болох магадлалтай болжээ.
1816-1985 оны хооронд өрнөсөн томоохон 78 зэвсэгт мөргөлдөөний 18 нь хоёр сар хүрэхгүй, 29 нь 2-6 сар үргэлжилж байсан гэх статистик бий. Энэхүү жишгээр орос-украины дайн ойрын хугацаанд өндөрлөх таамгийг цэргийн шинжээчид тавьж байсан нь ийнхүү талаар болох магадлалтай болжээ.

Эх сурвалж: Bloomberg, CBS News

Уулзвар

No stories found.

Гэрлэн дохио

No stories found.

Зогсоол

No stories found.
Press Center
www.presscenter.mn